ကြုံရ ဆုံရ ထိုတစ်ည

''ကြုံရ ဆုံရ ထိုတစ်ည '' အချိန်ကား ညတစ်နာရီခန့်။ မိုးကလည်း တဖွဲဖွဲရွာနေလေသောကြောင့် လမ်းမတစ်လျောက် လူသွားလူလာတိတ်ဆိတ်လျက်ရှိနေပေသည်။ ထိုအချိန်တွင် မတ္တရာ- မန်းလေးလမ်းထက်တွင် ဆိုင်ကယ်လေးတစ်စီးကတော့ဖြင့် မိုးစက်များကိုအန်တုကာ ဆိုင်ကယ်မီးရောင်ဖြင့်အမှောင်ကိုခွင်းကာ တရိပ်ရိပ်ပြေးလွှားနေလျှက်။ ''ဘုရား ဘုရား ငါတော့မှားပြီလားမသိဘူး မိုးကလည်းခုမှဆိုင်းမဆင့်ဗုံမဆင့်ရွာချရတယ်လို့ကွာ ဒီလိုမှန်းသိ ဟိုကောင်တွေတားကတည်းက အဲ့မှာပဲ အိပ်လိုက်ပါတယ်'' လူဇော် စိတ်ထဲမှရေရွတ်လိုက်မိသည်။ သူနေ့လယ်ကတည်းက အလုပ်ကိစ္စတစ်ခုဖြင့် မန်းလေးကနေမတ္တရာသို့ရောက်နေခဲ့ခြင်းပင်။ ဟိုရောက်တော့ အလုပ်အကြောင်းပြောရင်း တိုင်ပင်ဆွေးနွေးကြရင်းဖြင့် ညနေစောင်းသွားသည်။ သူပြန်မယ်လုပ်တော့ သူငယ်ချင်းများကအတင်းခေါ်တာနဲ့ ဘီယာဆိုင်ခဏလိုက်သွားမိရာမှ ဝ်ိုင်းကောင်းနေသဖြင့် အချိန်ကုန်လို့ကုန်မှန်းပင်မသိလိုက်။ သူနာရီကြည့်မိတော့ ညဆယ့်နှစ်နာရီပင်ထိုးနေချေပြီ။ သူငယ်ချင်းများက ဒီမှာပဲအိပ်ပြီး မနက်ကျမှပြန်ရန်ပြောပေမယ့် ငယ်ကတည်းက သူများအိမ်မှာမအိပ်တတ်တဲ့သူက ဇွတ်အတင်းပြန်ချလာခဲ့သည်။ ဟုတ်တယ်လေ မန်းလေးနဲ့ မတ္တရာဆိုတာကလည်း ဘယ်လောက်မှဝေးတာမှမဟုတ်တာ ။ဒီအချိန်ကြီးသာမသွားဖူးပေမယ့် ဒီလမ်းတွေက သူသွားနေကျလမ်းတွေလေ။ သူထွက်လာတုန်းကတော့ မိုးကမရွာသေး ။နောက်ပြီးဘီယာလေးသောက်ထားသဖြင့်အနည်းငယ် ရီဝေဝေဖြစ်နေတာကြောင့်လည်း ကြောက်စိတ်ကမရှိပေ။ ခုတော့ တစ်ကိုယ်လုံးမိုးရေများစိုရွဲကုန်သဖြင့် သောက်ထားသည့်အရှိန်လေးကလည်း ဘယ်ရောက်သွားမှန်းမသိတော့။ ရဲဆေးအရှိန်လေးကလည်း မရှိတော့လေတော့ ဒီအချိန် ဒီလိုရာသီဥတုမျိုးနဲ့ ဒီလမ်းပေါ်မှာ ငါတစ်ယောက်ထဲဆိုသောအတွေးက ကြောက်စိတ်အနည်းငယ်ဝင်လာစေသည်။ ဒီလမ်းက တစ်ခါတစ်လေ လူပြတ်ချိန်တွေမှာ ရိုက်လုတတ်သလိုလို ဘာလိုလိုအသံလေးကလည်း ကြားထားဖူးသေးသည်။ သို့ပေမယ့်ဒါကပြသနာမရှိ ။လူဇော်က ကာရာတေးမှာခါးပတ်နက်ချန်ပီယံတစ်ယောက်။ တော်ယုံ လူဆိုး လူမိုက်တွေလောက်ကတော့ သူ့အတွက်ကအေးဆေးရင်ဆိုင်လို့ရသည် ပြသနာမရှိ။ ပြသနာရှိတာက သူက လူ လူချင်းသာ မကြောက်တတ်ပေမယ့် ငယ်ကတည်းက သရဲ တစ္ဆေတော့အလွန်ကြောက်တတ်သည်။ ဟော ခုလည်းကြည့် ရှေ့ဆိုကြာနီကန်ရောက်တော့မယ်။ ရသမျှဘုရားစာ တတွတ်တွတ်ရွတ်ရင်း အားတင်းကာ ဆိုင်ကယ်ကိုသတိထားမောင်းလာသော လူဇော်တစ်ယောက် ကြာနီကန်လမ်းခွအရောက်မှာတော့ သူ့ရှေ့မလှမ်းမကမ်း သစ်ပင်တစ်ပင်အောက်ကနေ လူတစ်ယောက်ထွက်လာပြီး သူ့ဆိုင်ကယ်ကိုလက်ပြတားတာမြင်လိုက်ရသည်။ ''ဟင် လူတစ်ယောက် တားနေပါလား လူဆိုးလား လူကောင်းလား ငါသတိထားရမယ်'' သူစိတ်ထဲမှာတွေးလိုက်မိရင်း တဆက်ထဲမှာပဲ ''ဟာာ ဒီအချိန်ကြီးဆိုတော့ လူရောဟုတ်ရဲ့လားမသိဘူး ''ဆိုတဲ့အတွေးကလည်းဗြုန်းဆိုဝင်လာလေတော့ သူ့ရင်တွေဒိုင်းခနဲခုန်သွားရသည်။ တဒိတ်ဒိတ်ခုန်နေသော ရင်ခုန်သံကိုထိန်းရင်း ဆိုင်ကယ်ကိုရပ်မပေးပဲ မောင်းချပစ်ခဲ့ပြီးမှ နောက်ပြန်လှည့်ကြည့်မိတော့ သူ့ဆိုင်ကယ်ကို အားကိုးတကြီးဟန်နှင့် ငေးကြည့်နေသောထိုသူကိုတွေ့ရသည်။ တကိုယ်လုံးမိုးရေများစိုရွဲလျက် ချမ်းတုန်နေသည့် ဟန်ရှိသော ထိုသူ၏ပုံသဏ္ဌာန်ကိုမြင်ိတော့ သူသနားစိတ်ကလေးအနည်းငယ်ဝင်သွားမိသည်။ ''ဟာ လူတစ်ယောက်ပါလား ဘာများအကူအညီလိုလို့ပါလိမ့် ဘာပဲဖြစ်ဖြစ်ငါသွားမေးကြည့်လိုက်ပါဦးမယ်'' သူ့ဆိုင်ကယ်ကိုပြန်ကွေ့လိုက်တာမြင်တော့ ထိုသူက လက်ပြကာဝမ်းသာအားရပြေးလာသည်။ ''ဘာဖြစ်လို့လည်းဗျ ဒီအချိန်ကြီး ခင်ဗျားက ဘယ်သူလည်း ဘာအကူအညီလိုလို့လည်း'' သူမေးလိုက်တော့ ထိုသူက ''ကျွန်တော်က ကြံခင်းထဲမှာနေတာပါဗျာ ကိစ္စတစ်ခုရှိလို့ ဒီကြာနီကန်ဘက်ကိုလာရင်းမိုးချုပ်သွားလို့ပါ အလာတုန်းကတော့ လိုင်းကားနဲ့လိုက်လာတာပါ ခုလိုင်းကားတွေကလည်းမရှိတော့ဘူး အိမ်ကိုလည်းအရေးပေါ်ပြန်ရမယ့်ကိစ္စလေးကပေါ်လာလို့ ခုလိုအရဲစွန့်ပြီးထွက်လာရတာပါ။ မိတ်ဆွေအပန်းမကြီးရင် ကျွန်တော်လမ်းကြုံလိုက်ခဲ့ပါရစေဗျာ။ '' ထိုသူ့စကားကြားရတော့ သူပျော်သွားသည်။ သရဲကြောက်တတ်တဲ့သူ့အဖို့ တစ်ယောက်ထဲပြန်တာထက်စာရင် ခုလိုအဖော်လေးရှိတော့ အားတက်ရသည်မဟုတ်လား ။ ''ဟာ အတော်ပဲဗျ ကျုပ်က12လမ်းမှာနေတာ ခင်များကို အိမ်ထိလိုက်ပို့ပေးမယ် ကဲ တက် တက် ကျုပ်လည်းအဖော်ရတာပေါ့ဗျာ'' ထိုလူမှာမိုးရွာထဲဘယ်လောက်ကြာကြာနေခဲ့သည်မသိ နှုတ်ခမ်းတွေပင်ပြာကာ မျက်နှာကလည်းဖြူဖတ်ဖြူလျော်ပင်ဖြစ်နေချေပြီ။ ''ဒါနဲ့ မိတ်ဆွေကရော ဒီအချိန်ကြီးမှ ဘယ်က ပြန်လာတာလည်းဗျ တစ်ယောက်ထဲ ဒီလမ်းပေါ်မှာမကြောက်ဘူးလား '' ''ကျွန်တော်က မတ္တရာကပြန်လာတာဗျ အမှန်တိုင်းပြောရရင်တော့ ကျွန်တော်လည်းတစ်ယောက်ထဲကြောက်နေတာဗျ ခင်ဗျားတားတော့ ကျွန်တော်ချက်ခြင်းရပ်မပေးတာပဲကြည့်လေ ခင်ဗျားတားတဲ့နေရာကိုလည်းကြည့်လေဗျာ ကြာနီကန်နားမှာမှတားရတယ်လို့ ကျွန်တော့မှာတော့ တော်တော်ကိုလန့်သွားတာဗျ ခုတော့ ခင်ဗျားပါလာတော့ ကျွန်တော့အတွက်လည်းအဖော်ရတော့ အားရှိတာပေါ့ဗျာ'' '' ဒါနဲ့ မိတ်ဆွေက သရဲကြောက်တတ်လို့လားဗျ '' ''ဟာ ကျွန်တော်က လူအချင်းချင်းသာမကြောက်တာ သရဲဆိုငယ်ကတည်းကအသေကြောက်တာဗျ '' '' အင်းး အာ့ဆို မိတ်ဆွေကသရဲခြောက်ခံဖူးလို့လား '' ''အာ အဲ့လိုတော့ အခြောက်မခံရဖူးပါဘူးဗျ ကဲ ထားပါဗျာ ညကြီးမိုးချုပ် အဲ့အကြောင်းတွေပြောရတာ ကြက်သီးထလွန်းလို့ပါ '' ပြောရင်းတစ်ဆက်တည်းလူဇော် သူ့လက်သူပြန်ပွတ်လိုက်မိသည်။ မိုးမိထားသဖြင့်အအေးဒဏ်ကြောင့်ပဲလား ဘာလားတော့မသိ သူ့လက်မှာတကယ်ပင်ကြက်သီးဖုလေးများထနေလေသည်။ သူတို့စကားတပြောပြောဖြင့်မောင်းလာရာ ကြံခင်းဘက်သို့ပင်ရောက်တော့မည်။ ''ရှေ့မှာကြံခင်းဘက်ရောက်ပြီးဗျ ခင်ဗျားအိမ်ကဘယ်နားလေးလည်း'' ''ဟိုရှေ့က လမ်းထိပ်မှာပဲ ရပ်လိုက်ပါမိတ်ဆွေရေ ဟိုးးနားခပ်လှမ်းလှမ်းကမီးတွေလင်းနေတဲ့အိမ်လေး တွေ့လား အဲ့တာကျုပ်အိမ်ပဲ နီးနေပြီဆိုတော့ ကျုပ်အိမ်ကို လမ်းလျှောက်ပီးတော့ပဲ သွားလိုက်ပါတော့မယ် '' လူဇော် သူပြောသည့် လမ်းထိပ်မှာဆိုင်ကယ်ရပ်ပေးလိုက်တော့ ထိုလူစိမ်းကဆိုင်ကယ်ပေါ်မှဆင်းကာ ''ခုလို ကူညီတဲ့အတွက်အများကြီးကျေးဇူးတင်ပါတယ် မိတ်ဆွေရေ'' ''ရပါတယ်ဗျ ကျွန်တော်လည်းခင်ဗျားကြောင့် အဖော်တောင်ရသေးတာပဲဟာ ဒါနဲ့ ခင်ဗျားအိမ်က ဒီချိန်ကြီးထိ မီးတွေလင်းထိန်နေအောင်ထွန်းထားပါလား ဘာရှိလို့လည်းဗျ '' ''အော် ဒါလား အိမ်မှာနာရေးရှိလို့ ထွန်းထားတာပါဗျာ '' ''အော် အာ့ကြောင့်ခင်ဗျား ခုလိုညကြီးအချိန်မတော်အရေးပေါ်ပြန်လာရတာကိုးး ဒါနဲ့ ဘယ်သူဆုံးတာလဲဗျ '' ''တစ်ခြားတော့ ဟုတ်ပါလေရောလား မိတ်ဆွေရယ် ကျုပ်ပေါ့ဗျာ ကျုပ်နာရေးပေါ့ '' ''ငင် ဟာ ဟေ့လူ ခင် ခင်ဗျားကလည်းဂျာ ကျွန် ကျွန်တော်ကြောက်တတ်မှန်းသိလို့ တမင်နောက်နေတာမလား အဲ့လိုတော့ မနောက်ပါနဲ့ဂျာ ဒီ ဒီချိန်ကြီးကို '' ''အာ မနောက်ပါဘူးဗျ တကယ်ကျုပ်နာရေးပါ မနက်ကမှကျုပ်ကို ကြာနီကန်မှာ မီးသဂြိုလ်ပြီးမှာ ဒီမှာလေ ခင်ဗျားမယုံရင်ကြည့်ပါလား '' ပြောရင်းတစ်ဆက်တည်းမှာပင် ထိုလူစိမ်းမှ သူ့အင်္ကျီလက်ကိုဆွဲလှန်ပြရာ မီးကျွမ်းနေသည့်အဆီတဝင်းဝင်းနှင့် အသားများက မဲမဲသဲသဲများက ဘွားခနဲပေါ်လာသည်။ ကြည့်နေရင်းမှာပဲ မီးလောင်ညှော်နံ့ကြီးကထောင်းခနဲထွက်လာပြီး ထိုလူစိမ်း၏မျက်နှာမှာလည်း မီးကျွမ်းထားသလို အရေခွံတွေလန်ကျကုန်ပြီး အရေများစိုစိစိနဲ့ အဆီတဝင်းဝင်းဖြစ်လာကာ ပါးရိုးကြီးတွေ သွားကြီးတွေက တစ်ဖြည်းဖြည်းပေါ်လာလေသည်။ လူဇော်ထိုမြင်ကွင်းကိုကြည့်ကာ သူ့ခေါင်းကြီးပုတ်လောက်ကြီးကြီးသွားသလိုခံစားရကာ ရင်တွေတလှပ်လှပ်နဲ့ သွေးတွေဒိုင်းခနဲစောင့်တက်သွားသလိုထင်ရသည်။ ''အမလေးးးသရဲ သရဲ အမေရေ ကယ်ကြပါဦး သရဲပါဗျို့'' ''ဟာ ဟေ့လူ နေဦးလေဗျာ ခင်ဗျားမေးလို့လည်းပြောပြရသေးတယ် အော် ဒီလူနှယ် ကျေးဇူးတင်စကားလေးတောင်သေချာမပြောလိုက်ရဘူး '' လူဇော်ကတော့ ဆိုင်ကယ်ကို ဘယ်လိုပင်မောင်းထွက်လာကာ ဘယ်တွေသွားမိသည်မသိ ။ ဘုန်းကြီးတစ်ပါးက ရေမန်းတွေနဲ့ သူ့မျက်နှာလာဖျန်းပြီး သူ့ပခုံးကို ကိုင်လှုပ်ပြီးခေါ်တော့မှသူသတိပြန်ဝင်တော့သည်။ ပြီးမှပြန်သိရသည်က သူကြံခင်းဘုန်းကြီးကျောင်းထဲကို ဆိုင်ကယ်အသားကုန်မောင်းဝင်လာတာကြောင့် ဘုန်းကြီးတစ်ချို့နိုးလာရသည်တဲ့။ ပါးစပ်ကလည်းသရဲ သရဲနဲ့အဆက်မပြတ်အော်နေတာကြောင့် ဘုန်းဘုန်းမှဘုရားစာရွတ်ကာ ရေမန်းနဲ့လောင်းချလိုက်မှအသိပြန်ဝင်လာသည်တဲ့လေ။ အဲ့နေ့ညက သူအိမ်မပြန်ရဲတော့ မိုးလည်းလင်းတော့မှာဆိုတော့ ဆရာတော်ကိုခွင့်ပန်ကာ ထိုဘုန်းကြီးကျောင်းမှာပဲ တစ်ညအိပ်လိုက်ရသည်။ မိုးလင်းမှ သူ့အိမ်သူပြန်ကာအမေ့ကို ညကအကြောင်းပြောပြတော့အမေက ရင်ဘတ်ကိုဖိပြီးဘုရားတကာ ''ဘုရား ဘုရား မသေကောင်းမပျောက်ကောင်းသားရယ် နင်ကံနိမ့်နေတယ် ဘုရားတရားများများလုပ်''ဟုပြောလေတော့သည်။ လူလူခြင်းမကြောက်တတ်သည့် ကာရာတေးအနက်ချန်ပီယံလူဇော်တစ်ယောက် သရဲနှင့်လည်းတွေ့ရောမည်မျှအကြောက်လွန်သွားသည်မသိ။ သူညကဝတ်ထားသည့် ဘောင်းဘီမှာကြောက်ပြီး ရှုရှုများပေါက်ချထားမိတာမှ တစ်ထည်လုံးနံစော်လို့ ။သူ့အမေပြောသလိုပဲ သူကံနိမ့်နေတယ်ထင်ပါ့။ခဏနေလျှင်တော့ ရေမိုးချိုးပြီး ဘုရားကန်တော့ မေတ္တာပို့အမျှဝေတာတွေလုပ်ရပေဦးမည်။ ယခုတော့ သူ့ရဲ့ရှုရှုစော်များနံစော်နေသောဘောင်းဘီကို ယူကာရေချိုးခန်းဆီသို့သာ……………။ THE END အမ်နိုင်း (oasis)